Project BeatBOX.
Natapos ang nakaraang kwento dito sa sinabi ni Larry na:
At doon ko naisip na takte ang hirap pala talaga ng boxing. Pero sa ngalan ng kalusugan at ehersisyo, ay go pa rin ako. Maging Pacman man lang, maski minsan.
SKIP ROPES
Pagkatapos ng suntukan, at umaray na ang mga namamaga kong kamay, ay tinanggal ulit ni Larry ang glabs ko.
"Ser, magsubok ka muna neto."
Itinuro nya ang skip ropes na nakasabit sa gilid ng ring. Marami, ibat-ibang haba, kulay, at materyales.
"Sige."
Naalala ko tuloy ang huling subok ko ng skip ropes. Jumping ropes pa ang tawag namen nung elementary. (Pero di naman talaga tumatalon ang rope, soo elementary.) At twing naglalaro kami nun, eh madaya ako. Dahil imbes na sabay ang talon ng paa ko sa pagskip, eh paisa-isa. Kaya kaya namin umabot hanggang 100 ang bilang hanggang abutan na kami ng pagtapos ng recess.
Napaisip tuloy ako. Kala ko simpleng shit lang to. Pero after a split second, eto na naman ako.
Sinubukan ko.
Pero paputol-putol ang ritmo at pabagal-bagal ang bilis ng rope ko. Panay ang sabit sa paanan ko. Siguro dahil pagod na rin ang legs ko, na di ko lang napansin. At dahil mabigat na rin ang katawan ko sa halos 150 pounds. At dahil sadyang bano rin talaga ako sa "jumping ropes".
Habang ginagawa ko yun, ay nasa ibabaw ng ring si Larry. At tinetrain ang malaking mama na parang MMA naman ang ginagawa.
Ayoko galitin yung mamang yun. Parang babaliin nya leeg ko gamit ang isang kamay.
THE FCKIN SITUPS
Pagkatapos ng skip ropes, dinala na ako ni Larry sa weights area.
"Yes, cool down naman siguro at ako na lang ang magweweights" bulong ng utak ko.
Pero syempre, mali na naman ang akala ni Reigun.
Inclined ang bench. Halos 45 degrees nakataas ang bandang uluhan.
At imbes na nakasandal ako, eh dun pala isasampa ang paanan ko. Mas mababa ang uluhan ko, nakahiga akong flat, at nakataas ang legs ko, na para bang manganganak ako.
"Sitaps tayo ser." sabi ni Larry.
shit. shit ups. Di ko na maalala kung kelan ko pa huling ginawa yun ng matino. Nung nasa C.A.T. pa ata ako nung high school. At wala pa akong tyan nun sa 120 pounds kong katawan. yikes.
So ayos na sana ang sarili ko. Pero potek.
May kinuhang bola si Larry. Di ko alam tawag dun sa mabigat na rubber ball na yun. Di lang 10 pounds ang tantya ko dun. Baka 15, o baka 20 pa nga. di ko na alam.
Dahil pag bababa ko ang katawan ko, ihahagis nya ang bola sa akin hanggang bumababa ako, tapos pag-bangon ko eh ibabalik ko sa kanya.
Di niya sinabi kung ilang repetitions.
Pero malupit na 30 reps ang naganap. Mataetae na mapuputol na ang litid ko ata sa situps na yun.
Ang malupit pa dun, kahilera ko na naman yung malupit na babae, at EFFORTLESS na lang sa kanya yun!
Samantalang maririnig ako na nagtutunog ng "UGGGHHH..EEEEE...AAAARGH."
Para akong tanga. Kala ko tapos na ang 30 reps na diretsong situp.
"Ser ganito naman, patagilid ka, kaliwakanan."
Nyeta tong si Larry.
So binato niya ang bola sa kanan ko, at dapat kong saluhin yun. Pagangat ko, hinagis naman niya sa kaliwa ko agad, at abut naman ako. Umiiling na talaga ako at pigil na pigil sumigaw ng punyeta kaya pasalamat ako na 10 reps lang yun.
nyetang situps yan.
Pag ako di nagka JACOB BLACK abs tulad ng sa NEW MOON ay magwawala ako.
STREEEEEEEEEEEEEEEEEEEETCHINGS
May nilatag na foam mattress si Larry sa sahig.
"Higa ka dito ser."
Higa na ako. Nag-isip ako na susuntukin nya siguro tyan ko kada situps, o kaya ihuhulog sa tyan ko yung bola para matesting kung epektib.
Pero walang bolang hawak si Larry. Whew.
Stretchings na pala.
Tinaas niya ang kaliwang leg ko, nakaflat ang isang leg at ang katawan, at tinodo ang pagbatak dito gamit ang buong lakas ni Larry. Masakit na masarap.
Let me repeat. MASAKIT NA MASARAP.
Parang mga kama sutra positions ang pinaggagawa ni Larry sa akin.
Di ko mabilang kung ilang "AAAAAH." "URRRGGGH". "AAAAAWW." ang nasabi ko.
Pero di biro ang burning sensation pero at the same time ay ang masarap na pakiramdam sa katawan.
Nagcooldown ako. Nakaubos ako ng ilang bote ng tubig.
At bago umuwi ay lumamon ako ng maraming-marami.
Para akong galing sa isang hazing habang naglalakad. Paika-ika na parang di maintindihan.
Hanggang ngayon ay nananakit pa rin ang aking tyan. Nyetang situps yan. Pahirap ang paghiga. At dahil inuubo ako, kada ubo ko ay parang may sumuntok sa tyan ko. OO, ganun kasakit.
Gusto ko bumalik sa gym. At least maka once a week ako. Masaya ang unang session ko.
Pero nyetang situps yan.
Shitups!
=============
p.s.
salamat sa mga nanghihikayat sa akin na ituloy ang quest na maging MANNYK REIGUN PACQUIAO (salamat ke JAG sa bansag, asteg hehe). Pero mas gusto ko na lang na MANNYK MAKINA PACQUIAO na lang para di masyadong halata, baka isiping kapatid ko si manny. lol.
salamat na rin sa mga natawa sa hirap na dinanas ng katawan ko at tyan ko, mga nyeta kayo!
hanggang sa susunod na suntok.
jabstreyt!
No comments
Post a Comment